M'lampiste
M'lampiste,
em' tiot' lampiste
m'lamp'all'va bien mais mi j'sus triste.
M'lampiste,
em'tiott lampiste
car dins tes mains, m'lampt all'va bien.
A ch't'heure dins tous chés fosses
pour y trier ch'carbon
in y vot pus qu'des gosses
des fill's et des garchons.
A l'lampist'rie point d'bile
in est tout émotionné
quand in d'mand' à chés filles
es' lamp' pour dévaller
in les raviss' ed' coin
in serr' ses poings dins sin béguin.
M'lampiste,
em' tiot' lampiste
m'lamp'all'va bien mais mi j'sus triste.
M'lampiste,
em'tiott lampiste
car dins tes mains, m'lampt all'va bien.
Quand t'armets d'z'allumettes
dins m'lamp' quand y n'a pus
ch'est que j'deviens tout bête
tell'mint qu'j'in sus confus.
Tin mouchoir bleu sus t'tiète
avec ses tiots pos blancs
cha fait tourner m'barett'
qué j'n'ai pus d'goût d'déchint' au fond
ej'vos tes yux mignons
tin court jupon dins min carbon.
M'lampiste,
em' tiot' lampiste
m'lamp'all'va bien mais mi j'sus triste.
M'lampiste,
em'tiott lampiste
car dins tes mains, m'lampt all'va bien.
T'as d'z'yux comm' eun' anguille
quand t'armont' à midi
eut' figur' tout plein d'huile
p't'ête bin aut' coss' aussi.
Mi noir comm' eun' gaillette
et plein d'graiss' ed'barrou
j'té prêt'ros bin m'liquett'
pour t'imbrasser jusqu'à tin cou
pusque t'as du déchet
té peux essuyer mes baisers.
M'lampiste,
em' tiot' lampiste
m'lamp'all'va bien mais mi j'sus triste.
M'lampiste,
em'tiott lampiste
car dins tes mains, m'lampt all'va bien.
Quand t' archeux à l' quinzaine
j'tâch' d'êt' à tes côtés
près d'tin jupon d'indienne
jé m'sins tout artourné.
Té sins un peu l'binzole
mais jé m'pouss' contre ti
j'm'in fous si in rigol'
mi j'té ming'ros comm' un biscuit
car mi J'sus un mineur
qui donn' sin coeur
pour un bonheur
M'lampiste,
em' tiot' lampiste
m'lamp'all'va bien mais mi j'sus triste.
M'lampiste,
em'tiott lampiste
car dins tes mains, m'lampt all'va bien.
El' diminch' dins ch'villache
avec tous mes copains
j't'aperchos tout in nache
just' à l'port' d'un crincrin
Hoé! viens fair' eun' danse
qvec un galibot
j'té dis em'tchot' Hortens'
à mon Machut y'a un piano
rt là nous y dans'rons
au joyeux son d'l'accordéon.
M'lampiste,
em' tiot' lampiste
m'lamp'all'va bien mais mi j'sus triste.
M'lampiste,
em'tiott lampiste
car dins tes mains, m'lampt all'va bien.
